Ut: In Kroadfol Singeliere Brijbekken

De Dyk

1. Wêr ’t ik op de wrâld ek wie
   Yn de tropen as de snie
   Jimmer tocht ik oan de manlju
   Yn ’t mesjester op ’e Dyk
   Hwant dat plakje is unyk
   
2. Yn dy âlde ligersbolle
   Swarre, swetse, lige, stâlle
   Lynjend op in trêdde skonk
   Kwitsten se de prûmkes
   Oer de gieltsjes fan it honk
   
3. Albert Braadtjen, fêste klant
   Lûkte op syn plakje op ’e bank
   In bongel fol forhalen iepen
   Oer Lenin en Sint Petersburg
   Yn syn eigen Hylper klank
   
4. Deunby yn it hynstegat
   Wennen Tryn en Alle Pôlle
   Dy naem nei de thé en bôlle
   As in soarte fan gerak
   Leafst in plokje kautabak
   
5. Krom oer ’t stjûr by Séburch op
   Wraksele mei in reade kop
   En in kniper yn ’e bokse
   Baes Kyk as in taeije okse
   À la Coppi nei de top
   
6. Simmerdei tsjin melkerstiid
   Fytste yn in blauwe overall
   Mei in gimmelearden kantsje
   Yn sawn hasten oer de dyk
   Douwe Huitema syn dochter Antsje
   
7. Ige Ripke ried op ’t strân
   Op in dizenige moarn
   Tsjin in tichte hikke oan
   Ut de tiid en hwat in skea
   Ende, ende, ’k wie hast kroandea
   
8. Mei de leppe yn ’e hân
   Sljochte Jetse Raffles earst it sân
   Dan mei in shagje yn ’e mûle
   Fluorre er ien foar ien
   De gieltsjes yn ’t stramyn
   
9. En sa rekket eltse dei
   In stikje fan ’t forline wei
   Mar op ’e Dyk foroaret neat:
   Hwant al sil de wrâld forgean
   De ligersbolle bliuwt bistean
   Heare Gotskes