Camping Sudersé

Bist op paad te foet, op ’e fyts, mei de caravan of camper, komst foar in wykein of in pear dagen nei Warkum, hast moarn dyn earste kite-les, ensafuorthinne… Wat dyn reisdoel ek is, wy hjitte dy fan herten wolkom op ús camping. Camping Sudersé stiet foar: famyljear, freonlik en dy thús fiele yn rêst en romte!

Us camping leit moai sintraal tusken it âlde stedsje Warkum mei syn rike skiednis, kultuer en in gesellich sintrum, en de prachtige Iselmar mei har moaie strân. It Workumer strân is de ideale plak om te sinnebaadjen, swimmen, surfen, sile en/of fiskjen.